"روح للكابتن هو اللي بيعين".. تصريحات نارية من رانيا علواني ضد الخطيب

البداية من تغريدة كتبتها عضو مجلس الأهلي على صفحتها عبر موقع التواصل الاجتماعي "تويتر"، قائلة :"حد تاني واخد باله ان رياضتنا وأبطالنا السنة دي زي الفل في كل اللعبات، إلا الكورة، هما دول اللي يستاهلوا بجد عاش أبطال مصر".

ورد أحد مشجعي الأحمر قائلاً لا احنا واخدين بالنا من الفشل المستمر في الاختيار جوه النادي من يوم ما المجلس مسك وكنتوا معشمنا أن النادي في طريقه الصحيح للإصلاح وإعادة مكانته وفي الآخر طلعنا بنغرق أكتر ما كنّا".

واستمرت المعركة بين الطرفين والتي لم تهدأ منذ دقائق، والتي شهدت ردود أفعال غريبة وعصبية من عضو مجلس إدارة النادي الأهلي ضد المشجعين، حتى أنها أدرجت اسم محمود الخطيب في المناقشة أكثر من مرة بغرض أساسي وهو توريطه بأنه السبب الرئيسي في الأزمة التي يعاني منها فريق كرة القدم الوقت الراهن.

ونستعرض أبرز التصريحات النارية عبر المناقشة التي أرادت بها توريط رئيس القلعة الحمراء باعتباره السبب الأول في الأزمة وآخرها اختيار المدرب السويسري فايلر الذي تلقى انتقادات شديدة من جانب جماهير الأهلي.

-  اللي فاهم غلط و بيرد في حتة تانية خالص المفروض حضرتك تَرُد  عليه هو مش انا

- والله حضرتك روح اطلب من كابتن الخطيب بنفسك .   هو شخصيا و لجنة الكورة اللي بيختاروا المدربين لان دي حاجة فنية. المدرب ده و اللي قبله و اللي قبله !

- اه عارفة و كنت انا برده في مجلسه، شوف حضرتك بقي الغلط فين ؟؟؟؟، جاء ذلك عندما قال لها أحد المشجعين " دوري ايه حضرتك اللي فرحانين بيه ده حسن حمدي كان بياخد الدوري 3 مرات ف السنة".

- الأولي اللي بياخد القرار الفني يا فندم " رداً على أحد المشجعين الذي قال لها إنها ضمن منظومة المجلس المختص باتخاذ القرارات"

- اهلًا و سهلا تنور . روح للكابتن هو اللي بيعين "رداً على أحد المشجعين قال فين الكابتن ييجي يشوف الاشكال الي هو اختارها تبقي معاه"

- مجلس الادارة ما اختارش حد و لا المرة دي و لا اللي قبلها . و أظن الكابتن واضح جدا في الاعلام ان هو مجدد اختصاص جهاز الكرة كويس