افتكر نفسه روبرتو كارلوس.. ميدو يهاجم فتوح ويستشهد بـ زيزو وشيكابالا وعبدالشافى
انتقد أحمد حسام ميدو، أحمد فتوح الظهير الأيسر للفريق الأول لكرة القدم بنادي الزمالك، بسبب عدم التزامه.
وقال ميدو، في تصريحاته عبر برنامج الريمونتادا على قناة المحور: "فتوح افتكر نفسه روبرتو كارلوس، في عقليات متستحملش النجومية ولا تستحمل الكلام ده".
وأضاف: "زيزو عشان عقليته كويسة الفلوس اللي بياخدها مأثرتش فيه بالعكس بيشتغل على نفسه أكتر".
وواصل: "شيكابالا سنين طويلة مبياخدش مستحقات، مبيتكلمش، اللاعيبة دي نموذج وتستحق إنها تكمل بعد الاعتزال، ومحمد عبدالشافي، هل فتوح أجمد من عبدالشافي؟ فتوح لاعب كورة كويس لكن عبدالشافي لا يُقارن بأحد وكان لاعيب كورة جامد جدًا وأجمد من فتوح".
هخلص سهرتي وراجع.. ميدو يكشف كواليس صادمة في مغادرة ثلاثي الزمالك معسكر مباراة زد
وصف أحمد حسام ميدو ما فعله ثلاثي الفريق الأول لكرة القدم بنادي الزمالك أحمد فتوح ومحمد صبحي ومصطفى الزناري بمغادرة معسكر الفريق قبل مباراة زد بـ "الجريمة الكروية".
وقال ميدو، في تصريحاته عبر برنامج الريمونتادا على قناة المحور: "عمر جابر وعماد نبيل دونجا كانوا في عيادة معسكر مباراة الزمالك وزد، شافوا الثلاثي لابسين لبس خروج وماشيين، عمر نادى شيكابالا، شيكا قالهم إنتوا رايحين فين، التلاتة قالوا هنجيب حاجة وراجعين، شيكابالا كقائد مكانش عايز الموضوع يكبر لكن كان هيتجنن".
وأضاف: "بعد مرور نص ساعة، شيكابالا كلم صبحي والزناري قالهم ارجعوا الكلام ده ميصحش، شيكا كان بيلم الدنيا وده دور القائد قبل ما الموضوع يكبر، وبعد شوية صبحي والزناري رجعوا، وشيكابالا كان بلغ أعضاء الجهاز الفني".
واختتم: "تخيل الزمالك عنده ماتش تاني يوم واللاعيبة كلها صاحية الساعة 4 الفجر، وفي أزمة في المعسكر بسبب خروج الثلاثي، شيكابالا قال لفتوح ارجع عندنا ماتش بكرة، فتوح قاله إنتوا عايزين مني إيه، قاله أنا بقولك أنا مش هرجع غير لما أخلص سهرتي، وهرجع الفجر، هنا عبدالواحد السيد بلغ شيكابالا قاله قول لفتوح ميرجعش".
