أول تعقيب من باتشيكو بعد فوز الزمالك على المصري

أعرب البرتغالي جايمي باتشيكو المدير الفني للزمالك، عن سعادته بفوز المارد الأبيض على مضيفه المصري البورسعيدي، بهدف دون رد، ضمن مباريات الجولة السابعة بمسابقة الدوري الممتاز، على ملعب إستاد برج العرب.

 

وقال باتشيكو في تصريحات بعد اللقاء : "كلنا مبسوطين بالفوز.. ماتش اتلعب كويس خططيا، المصري لم يخسر قبل كده ولو مش منظمين كان هيجي فيهم 3 أهداف".

 

وأضاف: "قررنا إننا ندي الاستحواذ للمصري وقولت للاعيبة هنكسب بالتفاصيل الصغيرة عشان كدة لازم نركز بما إننا بنشتغل كويس وبنبقى منظمين قدرنا في الشوط الثاني نطلع بهجوم منظم مش هجمات مرتدة وقدرنا نسجل.. لعبنا بصورة خططية جيدة".

 

وتابع البرتغالي : "في مراكز حساسة في تغيير اللاعبين زي حراسة المرمى ولو كنت غيرت الباك مع المساك يبقى غيرت 50% من خط دفاعي".

 

وواصل : "لعبت قدام المصري بدون كتير من اللاعيبة بس مش بشتكي ولو كنت لعبت ببن شرقي طرف مكنش هيقدر يعمل المساندة الدفاعية مع أبو الفتوح خصوصا أن الجبهة اليمين للمصري قوية جدا".

 

وأتم تصريحاته قائلا : "بحب دايما يبقى كل اللاعيبة جاهزة ده شيء إيجابي بالنسبة لي.. شيكابالا لعب الماتش اللي فات ممتاز وقررت أريحه النهارده.. أي لاعب هييجي الزمالك مش هيبقى أساسي بسهولة لأن اللي موجود مميز ولو مش هجيب لاعب أفضل من اللي عندي يبقى بلاش منه".