عبدالملك لـ"رئيس الزمالك": "لما تقع كل اللي بيطبلك حيستخبى"

فتح أحمد عيد عبد الملك، نجم الزمالك والجونة ومنتخب مصر السابق، النار على مرتضى منصور رئيس نادي الزمالك الحالي.

وكتب عبدالملك عبر حسابه الرسمي على موقع الصور والفيديوهات "إنستجرام": "كل يوم حكاية ورواية ومبتتعلمش أبدا، عامل قناة النادي ترد على أعدائك اللي هما ملهمش حصر وكل يوم واحد جديد".

وتساءل عبدالملك:" لماذا هذا الهجوم طالما فرقتك ماشية كويس والدينا مستقرة، عامل تخبط عند المنافس ومش لاقين مخرج، يروحوا رامينلك طعم تقعد عليه شهر تتكلم في قناة المفروض بتدافع عن النادي مش عاملها بتدافع عن نفسك وتسب وتشتم فيها".

وأضاف: "بتدخل النادي في دوامة ويا ريت بتتعلم، وسؤال بس هو إزاي الضيف اللي بييجي كل يوم بيرضى يقعد يسمع  المكالمة بس، وبيتكلم دقيقتين ويقوم يروح!!.

وواصل:" ربنا يرحمنا ونستريح والي موافقك وبيطبلك بكرة أما تقع هيستخبى ويطبل لغيرك ومحدش بينسى".

ويذكر أن الفترة الماضية قد شهدت خلافات حادة بين رئيس نادي الزمالك والعديد من المسئولين بسبب تصريحاته النارية ضدهم مثل المستشار القانوني للنادي الأهلي محمد عثمان وتبادل كل منهما الألفاظ.