محمد الباز يوجه رسالتين ساخنتين للجبلاية ومحمد صلاح (فيديو)
حرص الدكتور محمد الباز على توجيه رسالتين مهمتين بمناسبة الفيديو الذي نشره الفرعون المصري محمد صلاح نجم فريق ليفربول الإنجليزي ومنتخبنا الوطني المصري، اليوم الاثنين، بشأن شكره للجماهير ومطالبته لهم بتشجيع الفراعنة في بطولة الأمم الأفريقية التي تستضيفها مصر في الفترة من 21 يونيو الجاري وحتى 19 يوليو المقبل.
وقال الدكتور الباز خلال برنامجه "90 دقيقة"
على قناة المحور : "الرسالة الأولى أوجها للنجم العالمي محمد صلاح، بينما
الثانية للمسئولين في الاتحاد المصري لكرة القدم".
وأضاف : "إحنا عندنا نجم عالمي بكل المقاييس من
واقع الأرقام والإنجازات اللي عملها.. ومش هو محمد صلاح اللي كان بيلعب في
المقاولون.. والرسالة لمسئولي اتحاد الكرة انهم يهدوا شويه وبلاش الحاجات اللي
بتحصل من تحت لتحت وبلاش يكون هناك أي تصريحات أو تسريبات لأخبار من نوعية إننا مش
لاقيين صلاح ومش عارفين نوصل له وصلاح غير تليفوناته إلى آخره".
وتابع : "أنا بدعو المسئولين في اتحاد الكرة إنهم
يعاملوا محمد صلاح كنجم عالمي، وياريت محدش من مسئولي الاتحاد يحاول ينتصر لنفسه،
ودا مش وقت إن أي حد في الجبلاية يتعامل مع صلاح بشكل ذاتي أو بشكل شخصي لأن دي
بطولة تهم مصر".
وأردف الدكتور الباز : "لو المسألة تجاوزت الحدود
هنكشف كل حاجة للرأي العام وبالأسماء، وهنكشف مين من اتحاد الكرة اللي بيتواصل مع
صحفيين وبينقل لهم أخبار وأسرار تخص صلاح.. ونرجو الالتزام والهدوء على صلاح لأن
الكلام المعسول اللي بيقولوه من خلال الشاشات عن صلاح لن يخدعنا".
ووجه الدكتور الباز رسالة إلى صلاح، قائلا : "لما
يبقى في أي خبر عنك، لديك جهاز إعلامي لازم يسارع بالنفي وألا تتوتر أو تغضب إذا
حدث بعض التصرفات من جمهورك لأن جمهورك بيحبك وليه حق فيك وعليك بالصبر
عليهم".
