محمد حلمى: الزمالك لن يسقط فى وجود أبنائه.. واتحاد الكرة نسى اللوائح عشان كهربا
أكد محمد حلمي، مدرب القلعة البيضاء السابق، أن الزمالك لن يسقط أبدا في وجود أبنائه، ونادي الزمالك كبير وقيمته كبيرة جدا، وعمره ما يقع، نادي الزمالك قيمته في تاريخه وأولاده.
وقال حلمي في تصريحات تليفزيونية: نادي الزمالك طول ما ولاده موجودين هيفضل موجود وبقوة، لكن المشكلة عندنا إننا لازم نتصل بالناس ولازم نكلمهم وبتكلم على الناس الكبار في الزمالك ورموز الزمالك.
وتابع: "مكنتش باخد حاجة وقت ما كنت مدرب الزمالك كنت أقل من أي حد، وكنت جاي أخدم نادي الزمالك".
ويرى محمد حلمي، مدرب الزمالك السابق، أن اتحاد الكرة المصري لم يتذكر اللوائح في أزمة محمود كهربا، لاعب الأهلي.
قال محمد حلمي: اتحاد الكرة دلوقتي نسي اللوائح اللي تم وضعها عشان موضوع محمود كهربا.
أضاف: "واحد وواحد يساوي اتنين، اللوائح واضحة، وأعتقد المسئولين زمان كانت علاقاتهم كويسة بالأهلي والزمالك وكان فيه لائحة ماشيين عليها".
واختتم: "نادي الاتحاد السكندري تم إلغاء الدوري عشان ميهبطش قبل كده، عندنا نظام بنغيره زي ما إحنا عايزين".
وخاض الفريق الأول لكرة القدم بنادي الزمالك، المران الختامي مساء أمس الأحد على ملعب عبداللطيف أبورجيلة بمقر النادي، استعدادا لمواجهة الداخلية المقبلة في مسابقة الدوري الممتاز.
وسافر الفريق عقب المران إلى مدينة السويس للانتظام في معسكر مغلق هناك استعدادا لمواجهة الداخلية المقبلة.
ويستعد الفريق الأول لكرة القدم بنادي الزمالك للقاء الداخلية المقرر له يوم الإثنين المقبل في الجولة التاسعة والعشرين لمسابقة الدوري الممتاز.
