كيف احتفل نجوم كرة القدم بعيد الأم؟ (صور)

حرص عدد كبير من نجوم الكرة المصرية، على الاحتفال بعيد  ميلاد الأم، الذي يصادف اليوم، 21 مارس الجاري.

رسالة أبو جبل لـ«والدته» بمناسبة عيد الأم

ونشر محمد أبو جبل حارس مرمى نادي الزمالك والمنتخب الوطني الأول، صورة عبر حسابه الرسمي على الصور الشهير "إنستجرام"، رفقة والدته، معلقًا: "عيد ميلاد سعيد، مع وضع قلب أحمر ورمز للكرة الأرضية".

رسالة الصقر لـ"والدته" فى عيد الأم

كما كتب الصقر أحمد حسن، قائد الفراعنة السابق، عبر حسابه على "إنستجرام"، كل سنه وأنتي طيبه يا أمي، عيدك في الجنة، رحلتي عن الدنيا ولكن لم ترحلي عني".

وأضاف: "مازلت أعيش في خيرك وبركة دعاكي ليا، ربنا يرحمك ويجعل مثواكي الفردوس الأعلي من الجنة، كل سنة وكل أمهاتنا طيبين بخير".

رسالة جناح الأهلى لـ"والدته" فى عيد الأم

أما أحمد عبدالقادر، جناح الأهلي والمنتخب الأول، فكتب عبر حسابه على الفيس بوك": أنا حابب أقول كلمتين في حق الست اللي ربتني وخلتني راجل قبل أى حاجة".

وأكمل:" الحمد لله وصدقونى أى نجاح البني آدم بيبقى فيه بتكون الأم هى السبب الأول والرئيسي فيه والله، يا جماعة الدعوة منها بتغير مسار حياتك".

وواصل:" أنا بقولها يا امي الغالية، ربنا يحفظك لينا ويطول في عمرك وأشوفك دايمًا مبسوطة وسعيدة ومتشوفيش هم وحزن وضيقه في حياتك تأني خالص".

وأشار إلى أنه أكيد أنا زعلتك في اوقات كتير، بس خليكي متأكدة اني عمري ما كان قلبي قاسي وانك عندي أغلي من أي حاجة فعلًا، يا رب تفضلي ساندانا في الدنيا دي".

وأردف:" بدعاكي اللي من غيرها منسواش والحمد لله، عمري ما كنت بتاع لقطة ولا كلمتين بقولهم وقت اي حدث أو مناسبة علشان ابان اني جميل وبار والجو ده".

وتابع: "إنتي عارفه إنتي عندي إيه وإني من غيرك مسواش، ربع ساعة مش جنيه فا ربنا يطولنا في عمرك اللهم آمين".

واختتم عبدالقادر: أي حد أمه متوفيه، ربنا يرحم أمهات المسلمين جميعًا ودايمًا اعرفوا أنه في مكان أحسن بكتير أوي".

رسالة عمرو السولية لـ "والدته"

أما عمرو السولية من خط وسط الأهلي، كتب: "كل سنة وأنت طيبة يا ست الكل ربنا يخليكي لينا يارب".

رسالة الحضري في عيد الأم

أما أسطورة حراسة المرمى، عصام الحضري، فعلق: "أمي يا ست الكل يا بركة حياتي ياللي نجاحي كله بسر دعاكي، كل سنة وأنتي طيبة وبخير ومنورة حياتي يا غالية الغاليين يا حبيبتي".

رسالة كهربا في عيد الأم

كذلك حرص محمود عبدالمنعم "كهربا" على الاحتفال بوالدته، من خلال "فيديو" لهما، وجاءت الكلمات كالتالي: "سألوني علي الحنان شاورت بس عليكي، وبحس بالأمان لما أطمن عليكي، الحب في كل مكان، وأقوي حبي ليكي، كل اللي أنا فيه سببه إني معاكي، واللي أنا وصلت ليه يتحقق بدعاكي".