نور الشربينى تتأهل لنهائى بطولة العالم للاسكواش بشيكاغو
تأهلت نور الشربيني المصنفة الأولى عالميا لنهائي بطولة العالم للاسكواش بعد فوزها على الأمريكية المصنفة السابعة أماندا صبحي.
وفازت نور الشربيني على الأمريكية من أصول مصرية بنتيجة 3/0 جاءت نتيجة الأشواط : 11/3، 11/5، 11/5 في مباراة استغرقت فقط 25 دقيقة.
وتستضيف شيكاغو بطولة العالم للاسكواش في الفترة من 14 يوليو وحتى 22 من الشهر نفسه.
وكانت نور الشربيني قد كتبت قبل مباراتها مع أماندا عبر حسابها على فيس بوك : أنا عارفة أن الأولمبياد خلاص قربت، وأتمنى كل التوفيق لأصحابي المشاركين ولكل البعثة المصرية في طوكيو.. إحنا، لاعيبين الاسكواش، بنلعب دلوقتي بطولة العالم في شيكاغو، البطولة دي أكبر بطولة في الموسم، واللي هيفوز بالبطولة، هيفوز بلقب بطل العالم للاسكواش لسنة 2020-2021، وأعتقد أننا مش واخذين التقدير أو التغطية الإعلامية المستحقه. بالذات بعد كل التعب والتمارين على مدار السنة.
النهارده، في مجموعة مثيرة بتشارك في النصف النهائي، منها أول لاعبة مولودة في الولايات المتحدة توصل للدور النصف النهائي من بطولة العالم، وهي أماندا صبحي اللي أنا حلعب ضدها. لو عندك فرصة، تابعنا لمشاهدتنا ودعمنا، المباريات تبتدي ٥ مساءً بتوقيت شيكاغو.
