سيد عبدالحفيظ: الخطيب كان السبب الرئيسى وراء المكسب في رادس

كشف سيد عبدالحفيظ، مدير الكرة بالنادي الأهلي، السر وراء الفوز على الترجي التونسي بهدف نظيف في ذهاب نصف نهائي دوري أبطال إفريقيا.

وقال عبدالحفيظ في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد "المواقف الصعبة بيبان فيها معدن اللاعبين".

وتابع "كل اللعيبة كانت رجالة وبتأدي بشكل رائع، المباراة الأولى انتهت، اخدت خطوة مهمة ولكن مش حاسمة في التأهل للنهائي".

وأضاف "كان في اتصال دائم مع كاف وكابتن محمود الخطيب علشان يكون في تعهد كتابي إن سلامة اللعيبة مهمة، لو حصلت حاجة هرجع لمين".

وواصل" شرط التعهد كان قرار من كابتن الخطيب ان مش هننزل الملعب غير لما يكون في تعهد كتابي من الأمن وكاف بسلامة اللاعبين وإنهم المسئولين".

واختتم عبدالحفيظ "اللعيبة قالت هنلعب اللقاء وهنكسب وقفلنا الصفحة، شرطنا الأساسي هو كان مين هيكون مسئول عن سلامة اللاعبين، طلبنا ده واتنفذ فقررنا نلعب ووافقنا على ده".