بطلة رفع الأثقال سارة سمير تفتح النار بعد تجاهلها من المسئولين (صورة)

هاجمت سارة سمير لاعبة منتخب رفع الأثقال والبطلة الأولمبية، المسؤولين عن اللعبة بسبب تجاهلها و استبعادها من معسكر منتخب مصر لرفع الأثقال ، وعدم الاهتمام بمتابعة أزمة إيقافها دوليًا.

وقالت اللاعبة عبر حسابها على فيس بوك : حسبي الله ونعم الوكيل في كل مسئول عن اللي احنا فيه ، مفيش اهتمام ولا رعاية وحسسونا أننا خلاص موتنا ، لما يضيع حلم الأولمبياد بسبب ناس معندهاش ضمير  يبقي حسبي الله ونعم الوكيل ،  وافضل سنه ونصف قاعده في البيت مفيش حد بيعبرني ولا بيسأل عني في البلد ولا حد بيرد علي تليفوني يبقي حسبي الله ونعم الوكيل.

وأضافت اللاعبة الفائزة ببرونزية أولمبياد ريو دي جانيرو : لما بعد المستوي والإنجازات اللي عملتها دي يبقي هو دا رد الجميل من البلد والمسؤولين يبقي حسبي الله ونعم الوكيل ، حتى الآن مش عارفين يعملولي حاجه في موضوع الإيقاف ولا حد مهتم بيه ولا بيتابع الموضوع  .

وواصلت : لما اكون قاعده في البيت والمعسكر يبدأ و محدش كلمني حتي في التليفون يحسسوني بوجودي على الأقل ولما يقعدوا يقطعو في بعض علي المناصب ونبقي احنا الضحيه  يبقي حسبي الله ونعم الوكيل

وأتمت : ربنا مابيسيبش حد ..واحنا دايمًا أبطال.

وكان الاتحاد الدولي لرفع الأثقال قد أعلن إيقاف سارة سمير ولاعبين آخرين بمنتخب رفع الأثقال بعد ثبوت عينة تعاطيهم منشطات في دورة الألعاب الإفريقية التي أجريت 2019.