زوجة محمود علاء للشامتين: شوية قرود ومرضى (صورة)

شنت إيمان عادل، زوجة المدافع الدولي ومنتخب مصر ونادي الزمالك محمود علاء، هجوما ناريا على الشامتين في إصابة زوجها، خلال لقاء إنبى، أمس، الأحد، في بطولة الدوري الممتاز.

وكتبت إيمان عبر ستورى الرسمي على انستجرام:" كمية سخافة وقرف وقلة أدب مش طبيعية، مش هعلق لا شوية قرود على إصابة محمود".

 وأضافت:" ده عشان أنا أرجل منكم للأسف، لكن فكرة إنك حيوان تدعى على لاعب لا عمره أذاك ولا تعرفه شخصيا أصلا ولا أتعاملت معاه لمجرد إنك من جمهور منافس، اسمحلى أقولك إن الحيوان في رحمة في قلبه عنك".

وواصلت زوجة المدافع الدولي:"هتستفاد إيه لما تدعى إن لاعب يجيله صليبي أو تقول يارب يموت، يا شيخ موتة تشيلك بحق لا لإله إلا الله، على الأقل ده واحد بيتعب وبيشقى".

وأوضحت:" مش زيك قاعد ملكش قيمة غير انك تشتم في خلق الله، وقاعد عاطل مش وراك شغلانه غير انك تدعى على الناس من غير سبب كده، روحوا اتعالجوا بقى يا شوية مرضى وارحمونا من قرفكوا".

وأتم تصريحاتها قائلا:" إن شاء الله كل دعوة اتقالت تتردلك فى أهلك وأقرب الناس ليك يا معدوم الضمير والرحمة، ربنا يحرق دمك وقلبك يأرب، إن شاء الله كل واحد طلعت منه دعوة مؤذية تترد فيك وفى أقرب الناس ليك وحسبي الله ونعم الوكيل".

ويذكر أن الزمالك قد حقق فوزا هاما على نظيره إنبي، أمس، الأحد، بهدف نظيف، ضمن منافسات الـ23 للدوري الممتاز، سجله محمود حمدي الونش.

ويتقاسم الزمالك مع بيراميدز مركز الوصافة ولكل منهما 45 نقطة، ولكن يبقى فارق الأهداف لصالح الأخير.