وائل جمعة يعلق على رحيل رمضان صبحى من الأهلى
علق وائل جمعة أسطورة النادي الأهلي السابق، على رحيل رمضان صبحي عن الفريق بعد بيان الأحمر أمس الأربعاء.
الأهلي أعلن عن عدم التوصل لاتفاق مع رمضان صبحي للاستمرار مع القلعة الحمراء بعد الاتفاق مع هدرسفيلد على شراء اللاعب، وأكد رغبته في الانتقال إلى بيراميدز.
وقال وائل جمعة عبر حسابه على "تويتر": "الفتره اللي فاتت واللي حصل فيها من بقاء ورحيل بعض اللاعبين عن الاهلي وما يحدث حاليا فيها دروس كتيره جدا لإدارة نادينا في التعامل مع اللاعبين أهمها بس اللي باعك مرهة هيبيعك ألف مرة وفيه برضه اللي اشتراك هيفضل متمسك ويبيع الدنيا والفلوس علشان خاطرك ومع ذلك بياخد وبيتقدر من النادي".
وأضاف: "التاريخ حاضر علشان يفكرنا كنا ليه كويسين في النقطة دي أولا العقود كانت خمس سنين وقبل نهاية العقد بسنتين لومجددتش مع السلامة أو تتجمد وفيه ألف لاعب بتمني يلعب عندك.. ثانيا مش إحنا اللي بنعمل تماثيل عجوة وعمر ما حد يلوي دراع النادي الأهلي......دائما وأبدا سيظل الأهلي بمن حضر".
وشارك رمضان في 9 مباريات فقط بالموسم الحالي مع الأهلي بسبب الإصابة وسجل 5 أهداف وأرسل تمريرة حاسمة.
