رئيس مجلس التحرير
د.محمد الباز

رنيم الوليلي المصنفة رقم 1 على العالم تعلن اعتزالها الاسكواش

الخميس 25/يونيو/2020 - 12:20 م
رنيم الوليلي
رنيم الوليلي
دينا نبيل
طباعة

أعلنت رنيم الوليلي بطلة وادي دجلة و المصنفة رقم 1  على العالم في لعبة الاسكواش اعتزالها لعبة الاسكواش  .

وقالت رنيم عبر حسابها على انستجرام : أعزائى أسرة الإسكواش، فى الكام سنة اللي فاتوا ممكن أكون كتبت الكلمات دى فى دماغى يمكن ألف مرة. الاسكواش كان حياتى طوال ٢٥ سنة ودلوقتى جاء الوقت اللى أبدأ فيه صفحة جديدة.

وواصلت كانت رحلة جميلة وعمرى ما تخيلت إنها تاخدنى بعيد كده. كنت محظوظة جداً إنى على مر السنين عاصرت أجيال كتير، منهم أساطير فى مصر والعالم، إتعلمت منهم حاجات كتيرة أوى، وسعيدة إنى شاركت فى فترة من أجمل فترات اللعبة.

واستكملت حديثها عن خطتها للفترة المقبلة : مش مخططة لأى حاجة فى الفترة الجاية، لكن الظاهر إنى حركز شوية مع أسرتى الصغيرة، وأتمنى إنى أكون قادرة على مواجهة تحديات الحياة القادمة، ممكن أكون بودع منافسات الاسكواش، بس أكيد مش بودع ذكرياته، وصداقاته، وعلاقاته، وأيامه الحلوة، بما فيها النهارده.

جدير بالذكر أن رنيم الوليلي تعتلي عرش لعبة الاسكواش في الفترة الحالية ، وهي أول لاعبة مصرية تتصدر تصنيف اللعبة.
ads