رئيس مجلسي الإدارة والتحرير
محمد الباز

خناقة بين تركي آل شيخ وعضو مجلس الأهلي على فيسبوك (صور)

الكابتن

اشتعلت أزمة بين تركي آل شيخ، رئيس مجلس إدارة الهيئة العامة للترفيه بالسعودية والرئيس الشرفي السابق للنادي الأهلي، وبين محمد سراج الدين، عضو مجلس إدارة النادي الأهلي.

وكانت الأزمة قد عادت مجددًا بين مجلس إدارة الأهلي وتركي آل شيخ بعد تصريحات الأخير على فيسبوك والتي أكد فيها أن مجلس الأهلي يقف أمام مصلحة النادي، وأنه قام بالصبر عليهم كثيرًا، مضيفًا أنه لن يقوم بأي مساعدات أخرى للنادي عملاً بمبدأ "الباب اللي يجيلك منه الريح سده واستريح".

وواصل آل شيخ هجومه على مجلس إدارة الأهلي من خلال صفحته الرسمية في أكثر من منشور، ليخرج محمد سراج الدين، عضو مجلس الأهلي، عن صمته ويقرر الرد قائلا "في فيروس عجوز موجود من زمان في قطاع الرياضة في مصر وفي فيروس تاني عيل لسه مستجد من الخارج، الفيروسات دي بتنشر فتن وقرف ومشاكل طول الوقت في الرياضة وبين الناس وبين بعض وبين أكبر جمهورين في مصر اللي انا واحد مرضاش بإحداث أي نوع من أنواع الفتنة بينهم بأي شكل من الأشكال، احنا في النهاية ولاد بلد واحدة نختلف أه نهزر مع بعض أه لكن تطاول وأذى ده منبوذ ومرفوض بالنسبالي من الجانبيين".

وواصل: "المشكلة أن الفيروسات دي مختلفة عن الكورونا في حاجة وهي إن لها علاج، بس العلاج لازم يجي من الدولة ويكون جذري، الدولة اللي انا بحترمها وبقدرها عشان محدش يزايد عليا أنا ابن مؤتمر الشباب ودايماً بكون فخور بده وظهوري الأول هناك في ٢٠١٦ وعرضي لأفكاري كان دفعة ونقلة ليا في أمور تانية كتير، مؤتمر شباب مصر اللي كله طموح وتفاؤل وفكر ونقاء مش أجواء عشوائية وفتن وبلطجة تعوق الواحد عن أهدافه وطموحه الحقيقي لرفعة بلده وناديه المفضل، أتمنى يكون في مستمع لأن فاض الكيل.. اللهم بلغت اللهم فاشهد".

إلا أن الرئيس الشرفي السابق للأهلي هاجم سراج هجومًا عنيفًا قائلا "هوا مين الهلفوت ده محمد سراج الدين؟ إيه موقعك من الإعراب بس قبل مرد عليك يا هلفوت؟".

ليرد سراج على آل شيخ عبر صفحته الرسمية: "هو أنا متربي وهادي الحمد لله ودي نعمة ربتني عليها والدتي الأستاذة الجامعية ووالدي وهو لواء مدفعية سابق في الجيش المصري بس أفتكر إنه كان علمني كمان أن الكرامة دي أعلى وأهم صفات الإنسان وإن عمري ما أقبل أي تجاوز في حقي".

وتابع: "أنا بشفق عليك حقيقي لأنك ملقتش حد يربيك تربية سوية أو يعلمك إن مش كل حاجة المظاهر والشو والهبل اللي بتعمله ده اللي خلاك مسخة أمام العالم كله في قيم ومعاني وأصول أهم وأسمى من كده بكتير، بس أنت معذور متعرفهاش بحمد ربنا إني اتربيت كده وأنا مش بشوفك يا تركي ال شيخ من أول يوم غير واحد ناقص وجاهل وهفضل أشوفك كده على طول وعلى فكرة أنت مش كاسر عيني وعارف كده كويس ولا عمرك هتقدر في أحلامك حتى تكسرها ولا أنت ولا أتخن تخين".