مرتضى منصور يقرر عرض "جنش" للبيع بعد أزمته مع نجله
قرر مرتضى منصور رئيس نادي الزمالك، عرض حارس
الفريق محمود عبد الرحيم الشهير بـ"جنش"، للبيع.
وكان الحارس قد اشتكى عبر حسابه على
"انستجرام"، من عدم حصوله على مقدم عقده وتكفل اتحاد الكرة بعلاجه بعد
الإصابة في معسكر المنتخب في كأس الأمم.
وكتب أمير في تعليق على الصورة التي نشرها جنش عبر
حسابه على "إنستجرام" : "أرد عليك قدام الناس علشان حقك وحقهم يعرفوا،
لأنك سألتني قبل كدة ورديت عليك بيني و بينك لما جيتلك البيت، ورغم أن نظام الفريق
منع الكلام في الإعلام والسوشيال ميديا بس هرد عليك".
وأضاف أمير: "لا السبب مش إصابتك طبعًا يا كابتن..
تقدر تسأل كل زمايلك في الفريق على مقدم الموسم الجديد حصلوا عليه ولا لأ!! جميع اللاعيبن
باستثناء اتنين لاعيبة فقط هما اللي حصلو على المقدم علشان كان عندهم ظروف طارئة، يعني
مثلًا فرجاني وبوطيب وطارق حامد ومحمود علاء والونش ومحمد حسن وزيزو وعمر السعيد وعبدالله
جمعة وأوباما وغيرهم لسه مخدوش مقدم الموسم الجديد".
وتابع: "أما بالنسبة للاعيبة الجديدة (الصفقات)
فالطبيعي أن يقبض المقدم مع التوقيع وفي برضه ناس لسه مقبضتش وقالو مفيش مشكلة نقبض
مع زمايلنا بما إنك سألت عن السبب قدام الناس فأحب أقولك إن الشركة الراعية متأخرة
في دفع مستحقات كل الأندية حتى المقاصة كانت مش هتذيع الماتش بسبب مستحقاتهم تقدر برضه
تسأل زمايلك في أندية تانية باستثناء بيراميدز، و عقود الرعاية والبث التليفزيوني هي
٩٠٪ من موارد النادي".
وواصل: "كان ممكن نبيع طارق حامد أو محمود علاء
أو فرجاني وندخل فلوس كتير النادي وساعتها مكانش هيكون في أزمة سيولة، بس ده كان ضد
مصلحة الفريق، وكان ممكن منشتريش عواد وأبوجبل وأوناجم وبن شرقي بالمبالغ دي ونجيب
بدايل أرخص و نوفر برضه فلوس، بالإضافة لمديونيات أكتر من ٥ مليون دولار على الزمالك
اتدفعوا كلهم السنة دي، ومشاكل مع الفيفا عقوبتها خصم نقاط ووقف شراء وبيع لاعيبة لمدة
٣ مواسم في حالة عدم السداد وآخرها كان من يومين، عـ العموم إنت من كباتن الفريق والمفترض
إنك تستحمل زي ما زمايلك مستحملين، إيه المشكلة فلوس تتأخر كام يوم!! زي ما الموسم
اللي فات كنتوا بتاخدوا ٤ و٥ أضعاف المكافأت.. بتمنالك الشفاء".
ليرد جنش:"بأنه أكثر اللاعبين صبراً على
ظروف النادي وعقده ليس بكبير وهذا بشهادة كل المسئولين".
ليخرج رئيس الزمالك منذ قليل ويقرر بيع الحارس
المصاب، بقطع في وتر إكيليس.
