رضا عبد العال: "والله لو كارتيرون لسه موجود كنت كسبت الزمالك"
أعرب رضا عبد العال المدير الفني لفريق طنطا عن رضاه عن أداء فريقه بالرغم من الهزيمة من الزمالك 1-3، في إطار منافسات الجولة 29 بالدوري الممتاز.
وقال عبد العال في تصريحات بعد المباراة :
"الحمدلله بشكر لاعبي طنطا، بغض النظر عن النتيجة، وإن الزمالك يكسب طنطا بالشكل
ده فده مجهود كبير مني، وعندي غيابات فرقت كتير في منطقة الهجوم، وفرقوا جدا في الأداء".
وأضاف : "كنت هلعب بطريقة تانية يا دوب
٢٥ دقيقة لقيت اللاعيبة وقعت مني معملوش استشفاء، أنا النهارده معملتش حاجة، أنا بتعامل
مع اللاعيبة نفسيا، وأنا بعذرهم لأنهم مش قادرين يشيلوا رجليهم".
وتابع: "في أندية اتظلمت بعد كورونا، زي
طنطا والمصري لأن كان عندها أكتر من ١٥ حالة، وفي ٤ لاعبين كان عندهم كورونا من كام
يوم ونتيجة المسحة ظهرت النهارده لو كان عندهم أكيد أنا كنت عملت أيه بقى!".
وعن وضع الكمامة على عينه علق قائلا :
"أنا كنت حاطط الكمامة كده كنت خايف ليكون اللي جنبي عنده كورونا".
وواصل : "كنت محدد لاعيبة معينة تمسك لاعيبة
الزمالك ولكن التعب هو اللي فرق الشوط التاني".
وفي سياق آخر قال عبد العال : "لو أتكلمت
عن التحكيم هتوقف".
ورد بسخرية على سؤال "أنت بتخاطر باسمك
وبتقود طنطا في الوقت ده؟"، قائلا : "هو أنا كنت بدرب منتخب مصر؟!، الناس
هتلاقي طنطا بشكل تاني خالص وقت ما لاعيبتي عددها يكمل، ومفيش مخاطرة ولا حاجة".
وأردف : "أنا قولت لما كنت موجود في الأستديو
التحليلي إن طنطا هيهبط، أنا بشكر كل جماهير مصر السوشيال ميديا كلها كانت بتتكلم على
رضا عبد العال".
وأتم المدير الفني لطنطا تصريحاته قائلا :
"لو كارتيرون كان موجود كنت كسبته والله، ما هو شال 6 إمبارح مع التعاون
السعودي من الشارقة الإماراتي".
