رئيس مجلسي الإدارة والتحرير
محمد الباز

حسام عاشور يهاجم إدارة الأهلي لصالح تركي آل الشيخ

الكابتن


تحدث حسام عاشور حول أزمته مع الأهلي ومجلس الإدارة والمستشار تركي آل الشيخ في فيديو عبر حسابه على "انستجرام"، وقال: "الناس كلها عارفة مين حسام عاشور وايه هو تاريخي مع النادي الأهلي وبشتغل طول الوقت بكل طاقتي".

وأضاف: "عمري ما طلبت من النادي الأهلي حاجة خالص وعمري ما طلبت أطلع الخليج زي لاعيبة تانية".

وكشف عاشور عن عرض الإدارة له قائلاً: "الادارة عرضت عليا ماتش اعتزال واشتغل في القناة وأنا عندي 34 سنة وقادر ألعب سنتين تلاتة كمان".

وتابع: "حد في المجلس كلمني قالي المستشار تركي آل الشيخ هيتكفل بالماتش بتاعك وكل حاجة والكلام كان رسمي وظبط معاه يا عاشور".

وأردف: "اتواصلت مع محمد العاصي والمستشار تركي آل الشيخ، عشان يتعملي حاجة تليق بيا وبتاريخي والراجل قالي هنعملك كل اللي انت عاوزه".

وكشف عاشور: "النادي الأهلي أول امبارح عمل ورقة وافق فيها إن الأهلي هيلعب ماتش الاعتزال واتفقنا على فيديو إعلان إعتزالي كرة القدم وخلاص اتفقنا على كل الرطوش الأخيرة".

وأكمل عاشور: "كان باقي موافقة النادي على الجواب الأخير وكل شوية كمال جبر يكلمني يقولي أصلي الكابتن الخطيب في الساحل الشمالي ومش فاضي، وبعدها حفيده تعبان وفي المستشفى".

واختتم: "أنا كل اللي طالبه أن النادي يصدق معايا ويعملي ماتش اعتزال بجد زي أي لاعب تاني أنا وافقت على اللي النادي هيعمله وإني أبطل كورة مع إني قادر ألعب لسه سنتين أنا عاوز الدنيا تمشي بسلاسة ده حقي على النادي، تركي آل الشيخ مقصرش معايا في حاجة خالص بالاتفاق مع النادي الأهلي أنا متواصلتش معاه من دماغي".

يذكر أن النار قد فتحت بين إدارة النادي الأهلي وتركي آل الشيخ بعد تطاول الأخير على مجلس الإدارة قبل أن يرد عليه محمد سراج عضو مجلس الإدارة.